في ذكرى تأسيس الحزب الشيوعي العراقي…
قصيدة ( رسالة الى الشهيد الحي فهد )
شعر / جواد المريوش
حين رتلت عيناك بصمت جسور .. انشودتها فخر الكلمات ، كانت شفتاك خلف القضبان تنسج خيوط انشوطة الاعدام ..
عدّيت الطفوله ولاحواك اكَماط
يل ثوبك فريد وحيّر الخياط
لا طوّل مخاضك لا احتار وياك
كَلب اليددتّك لفتك ببساط
سِرّك ساريه وبي منجل وجاكوج
لاشفت الحضينه ولا عرفت اعياط
يبوطول الحلو ياهيبة الشبان
تفصال اسمك النه ويظل اجمل قاط
يبوشارب امفصل علوجه تفصال
يهتف بلرفاق ويحدي حدي انباط
يمعلم الزلم درب النضال شلون
وشلون المنايه يزامطنه ازماط
تاهت من وراك السفن والملاح
كثرت نوخذتهه ومارهمهه اخياط
لعبت .. والملاعب عد الامريكان
ماصابت هدف ، واتعدت الاشواط
يمعبر الشغيله لذاكه صوب الموت
تيهنه رسنهه ومالكَينه ارباط
رد انته وسلام وحازم وصارم
عكَبكم شح مطرنه وصار بس نكَاط
تعال ابني حزب واسي شعب منكوب
فلاحه وطبيبه وطالبه وضباط
من دونك نخل ظلينه وامجثيات
تمرات العثوك امن اهد ذاك اشباط !
حي انته بحجينه وجلمة التنكَال
بس صدكَني مامش للحجي رباط !
خاوينه اليضدنه وصرنه كتله اوياه
واحسبنه نفسنه بهاي صرنه انشاط
والواقع ، كَري ردينه كوم اسنين
والآمال ماتت وانتشه الاحباط
والامال ماتت وانتشى الاحباط
2023-03-31
بواسطة فرات علوان