الهيمنةالأمريكية!
الزبدة ، بسوالف صافية شافية :
الجزء العشرون :
زينب مهدي*
اگول لـلمـ.ـقـاوم ليش اختاريت هذا الخط يگول لأن كل مصايبنا من أمريكا و …. اگول للوطني انت ليش اختاريت هذا الخط ؟ لأن اريد أنقذ الوطن من ذيـ.ـول ايران و …. زين ليش ؟ شلون ؟ شصار ؟منو گال ؟ تره اذا نختار مواقفنا بدون فهم و وعي نخسر المعركة و نبقى تجيبنا روجة و تودينا روجة . بسلسلة الهيمنة الأمريكية حاولت اشرح الواقع الحالي ، و ما تكلمت عن شي صار و خلص . و كلها مستندة الى وثائق رسمية و أدلة قانونية (تگدر تبحث عنها بالگوگل) . جبناها اول شي على فلوس نفطنا كلها تروح للبنك الفيدرالي بأمريكا و هي تدزلنا شوكت و شگد متريد و اي شي ما عجبها تقطع علينا فلوسنا . و ثاني شي خلت قوانين للمصارف سمتها “معايير الإمتثال” حتى أي واحد ما عجبها تگول هذا ما التزم بالقوانين فراح اعاقبه.مرات صدگ تلگي عنده فساد و غسيل أموال و مرات لا بس مجرد خالف الأوامر الأمريكية حتى يختلط عدنا الحابل بالنابل و تتيه علينا . مثل ما هسه ديسويها علي الزيدي تحت اسم حملة الفجر لمكافحة الفساد ، هم خبصها علينا و تهنا بيها يعني نفس الإسلوب الأمريكي بالضبط . انوب راح سوه صفقة القرن و خله كل العراق بيد شركات أمريكية حصراً . “بس تره أمريكا تريد تحتكر استثمارات العراق هم علمود الربح و هم علمود تسيطر اكثر . بس عراقي واحد يتمرد عليها تسحب مهندسيها و تقطع قطع الغيار و تخلينا بظلمة هندس و حالنا حال الضيم” . ؛ اي شكو بيها ؟ خو لحد يتمرد و خلي أمريكا تشتغل و نصير مثل الخليج . خلي نقبل مـ.ـؤخـرة ترامب المهم نعيش مثل العالم و الناس؛ . اي هم صدگ كافي شعارات احنا بس نريد أبسط حقوقنا الأساسية بس هم شفنا نفسها الشركات الأمريكية من ٢٠٠٣ و لحد الآن شسوت و شصخمت بالعراق . زين خلي ننوع بالعلاقات مو بس وي أمريكا .خل نشوف الصين مثلاً . مو سواها عادل عبدالمهدي “الإتفاقية الصينية و عقد شركة سيمنز و فتح طريق آلبوكمال” ، بس أمريكا قطعت فلوسنا علينا و أستغلت ثورة شبابنا و فرضت علينا ضغوطات اقتصادية و سياسية هائلة الى ان استقال الرجال و كلشي رجع بمكانه و اجه الكاظمي و السوداني و الزيدي عرفوا الدرس كلش زين … الكرسي بيد أمريكا فإذا أريد الفلوس و السلطة لازم أرضي أمريكا و بس . “مو أمريكا دتـ.ـقـ.ـتل أبنائنا و قادتنا و دتـ.ـعـتـدي على اراضينا” . ؛اي ميخالف هذا من “الماضي” و آني شاب و وسيم و الدنيا كلها گدامي و هسه اريد حصر السلاح بيدي حتى اطمئن محد يضوج أمريكا؛ . “مو أمريكا و أذنـ.ـابـها مثل الكويت و السعودية بعدهم ديـ.ـقـ.ـتلـون بينا و يخترقون أرضنا و سمائنا و فوگاهة انترنتنا بيدها و كل بياناتنا و معلوماتنا مكشوفة گدامها و مسيطرة علينا بالريموت كونترول و بضغطة زر تنهينا و تنهي العراق” . ؛اي مو عرضوا عليكم دنيا هارون الرشيد و رفضتوها … غير انتو متعرفون شنو يعني المال و المقام؛ . تمام لعد أگعد و إستچن و لا تهوس بالسيادة و انت مربوط بحبل أمريكا و دويلات تابعة الها تـ.ـهـتـك سيادتنا و تـ.ـقـ.ـتل ابنائنا و انت مسويها فلم “مرة زعلت بعد ما اجيكم للسعودية” و انت تدز وزير خارجيتك و تستقبل رئيس جهاز الاستخبارات السعودي و شمرتها براس غيرك و طلعت منها و مرة عود ترزل وزيرك گدام الكاميرات حتى ترامب يگول عليك “قائد عظيم” . عرفنا بسلسلة الهيمنة الأمريكية بأن بالحرب الجيل الخامس و بخطوات دقيقة من السيطرة الاقتصادية و السيبرانية و الاعلامية و بالذكاء الاصطناعي شلون يغسلون دماغنا و اقترحنا الحلول اللي ممكن تنفيذها فوراً اذا تجي حكومة شريفة و شجاعة لأن احنا عراقيين و يبقى العز و الكرامة يجري بـ.ـدمـنـا لكن هم يبقى السؤال ، ليش ؟
ليش أمريكا متسوينا مثل الخليج ؟
لأن حكومتنا شيعية ؟
زين ليش تعادي المحور الشيعي ؟
هل لأن غالبية المـ.ـقـاومـة منها ؟
لكن مو المـ.ـقـاومـة ردة فعل على الاسـ.ـتـعـبـاد الامريكي زين شنو سبب الفعل الرئيسي و العداوة الأصلية ؟
الجواب صادم و سنناقشه في الاجزاء القادمة
انتهت
2026-09-02
