حكايات فلاحية: قبل الأنتخابات !صالح حسين

حكايات فلاحية: قبل الأنتخابات !

صالح حسين .
في العراق الجديد أنت مطلوب دنيا وآخرة… تناقلت الصحف المحلية ( خبر عاجل ) مفاده أن نسوان أثنين التقوا في الآخرة…بعد ان ماتوا.. وبعد التعارف زادت الميانه والمحبة والصراحة… وضلن يحجن ويناقشن أمور كما في الحياة الدنيوية… الهدوم ، الجهال، الموبايلات الجديدة، والوضع الامني والفديراليه والأقاليم وحكومة الكاظمي، يعني مجموعة من المواضيع الاجتماعية، وكل عادة الخاتمة بالزواج.. وأخيرا دار بينهن الحديث الاتي:
صدك ولج أنتي شلون متي، يعني بيا طريقة ” أستشهاد رفحه، قتل بنيران صديقة / شمال العراق، طبيعي في دول اللجوء الأوربية…” شو بعدج حلوة وشابه، يخزي العين عليج… اشموووووتج، ربما عبوه ناسفة لوعبوه لاسقة، لو تفجير عن بعد !.
هههههههه والله سالفه متنحجي…. تدرين اني متت متجمده بلفريز…أف أف بلفريز – بالثلاجة! إي نعم، أحجيلج:. شنو هل الموته الفضيعه ..اي والله انحبست بيه 12 ساعات …والكهرباء ولا لحظه انطفت ..هذاك اليوم كل الكهرباء مشتعلة ( المولدة والوطنية والعربية والأسلامية والعالمية، الرجال مشكل كل البريزات… وضليت أرجف من البرد، بعدين اجاني شعور بالدفا و التعب .. و بعدين متتت بسلام … جان احنا ليهسه بعدنا عايشات على بهذلة الحكومة !
زين وانتي شلون متي ..أشو بعدج صغيره وتنكرطين كرط…اشمووتج…حزام ناسف لوشربتي من مي البوري لو زوتي من حب منع الحمل،..لا و الله اني متتت من الجلطة… أنت تعرفي زوجي عضو في لجنة المشتريات… اني جنت اشك ولحد هسة بنزاهته، انه يخونني…فرجعت للبيت وجفتت غفلاوي على مود اشوفه متلبس.. بس لكيته كاعد وحيد.. وديباوع بالتلفزيون على وزير الدفاع السابق/ سويدي الجنسية، فاني راسا شكيت انه اكو ( … ) مختلها ابفد مكان بالبيت أو أرسلها لوزارة الداخلية… فصرت انبش.. وادور ..قلبي يدك من العصبيه…. نبشت بكل مكان.. بالكنتور وجوه الجربايه وضل قلبي يدك ويددك ..و ضليت انبش بهالبيت الحد مااغمى عليه من التعب و اجتني الجلطة …. وهسه اني يمج
مربط الفرس: وأيضا قبل إنتخابات، وحدة أشتكت لأخوانها ..كلتلهم أكو سيد لابس عمامة سودة براس الشارع كل يوم يتحارش بيه … كلولها معقوله !!! كالت إذا متصدكون تعالوا شوفوا ..طلعت البنية للسوك وصدك تحارش بيه السيد ابو العمامه ..وعينك ماشاف الى النور واسلتموه اخوان البنيه بسط وبوكسات وطيحوا حظه … وأثناء ذلك، طبك سايق تكسي ونزل على أبو العمامة شبعة بسط وبالنعال على راسه ….لزمتهم الشرطة .. سألوا الاخوان ليش كتلتوالمعمم ؟ كالو تحارش بختنه قبل أنتخابات، سألوا سايق التكسي ليش ضربته ؟
كلهم جان في البرلمان السابق .

مالمو / السويد –

9 / 5 / 2021