حينما يحتاج الاباء للتربية!
طاهر زورة.
تخيل اخوانك يومية واحد ماخذله حاجة من البيت الى ان صار البيت مثل الجامع كلشي ما بيه وابوك بس يتفرج (اللي سواه عبد المهدي)
تخيل ابوك يصرف عليك ومعيشك ورة ما يغيب تجيك الديانة وتطلع مطلوب شغل مال عمر كامل(اللي سواه العبادي)
تخيل انت كاعد بامان الله ببيتك متحس الا ناس غربة جايه وساكنه وماخذه نص بيتك وابوك ميكدر يحجي(اللي سواه المالكي)
تخيل بيتك يومية بيه مشكلة ومن تجي لابوك تساله يكلك والله ما ادري(اللي سواه علاوي)
تخيل انت ما عندك لكمة تاكلهه والجوع والحاجة لاعبة بيك لعب وابوك يسولفلك علمارد والقمقم(اللي سواه الجعفري)
تخيل كل الاشياء الفوك مضروبات في عشرة وفوكهن ابوك يدفنك ويدفن عائلتك كلهه بمجرد تكول لا(اللي سواه صدام)
على كولة المطرب العالمي محمد الاعمى(شسويت لله وعمى عيوني)
2020-02-08
بواسطة فرات علوان