ارهاصات مجنون
السيدة كسرة العظيمة.. حين يصبح البرّ عقوبة يومية!
د. طالب الشوكة
ثلاثة مشاهد من الكوميديا السوداء البغدادية
المشهد الأول: معركة الكنديشن
التوقيت: منتصف الصيف البغدادي، درجة الحرارة 50 مئوية في الظل.
المكان: غرفة الاستقبال، حيث ترقد السيدة كسرة العظيمة.
الأم تلفّ نفسها بشال صوف ثقيل وبطانية شتوية، وتصيح:
الأم: يمّه، جمدت! طفّوا الكنديشن، الهوا البارد يكتل!
الهرفي (يتصبب عرقاً ويحاول التقاط أنفاسه): يمّه، فدوة لكلبج، إحنا بتموز، والتبليط ذاب من الحر، والسبلت على 25 درجة! والله إذا نطفيه ننصلخ كلنا!
الأم (بغضب): أنت تجذبني؟ عبالك كبرت وصرت خرفانة وما أحس بالبرد؟ الهوا يكص عظمي! طفّي الكنديش، تريد تذبني بجهنم وأنا عايشة؟ الله ما تخافه؟
يُطفئ الهرفي جهاز التبريد، ويجلس يمسح عرقه بالخاولي، بينما تنام الأم مطمئنة تحت البطانية.
الأم (بصوت حزين وهي تغمض عينيها): محد يحس بيّه… يا يمّه، يا خلفتي! كلكم أعداء، لا ولد ولا جَنّة!
المشهد الثاني: مؤامرة الدواء وحبّة القلب
التوقيت: الساعة الثالثة عصراً، موعد دواء القلب الإجباري.
المكان: ساحة المعركة فوق الجارباية.
يدخل معله بحذر، حاملاً حبّة الدواء، وكأنه يحمل وثيقة استسلام.
معله: يمّه الحبيبة، فدوة لكلبج، بس خذي الحبّة لخاطر الحسين، حتى كلبج يصير زين وترجع صحتج.
السيدة كسرة العظيمة (تغمض عينيها بقوة): ما أريد! هاي سموم! تريدون تكتلوني؟ منو كال كلبي بيه شي؟ كلبي ما بيه شي!
معله (بصوت يائس): يمّه، والله هاي حبّة وصفها دكتور القلب، صارلنا أسبوع نتوسل بيج حتى تبلعيها! مو منطيج قنبلة يدوية!
الأم (تنتفض صارخة): الحقوني يا ناس! معله يريد يكتلني! يبووووه! تعالي يا بيداء، شوفي ريلج شيسوي بيّه!
تدخل الكنة مسرعة من المطبخ، تحمل طفلاً بيد والقدر باليد الثانية.
الكنة: خالة، فدوة لكلبج، هاي مجرد حبّة! شنو سالفتج؟ قابل مسوية قسطرة؟
الأم (تلتفت إليها بوجه غاضب): أنتِ اسكتي يا مسمومة! أصلاً أنتِ السبب! أنتِ علمتي ريلج هالسوالف! تريدون تخلصون مني ويظل البيت لمطيرة!
النتيجة الحتمية:
ينسحب معله والكنة بخيبة أمل، بعد خسارة معركة حامية الوطيس.
وتبقى حبّة القلب فوق الطاولة، منتصبة كأنها انتصرت في معركة ماجينو، بينما الأم تبتسم بانتصار وتغمض عينيها.
المشهد الثالث: زيارة الابن مومن.. هلال العيد!
التوقيت: يوم الخميس، الساعة الثامنة مساءً، بعد غياب دام 29 يوماً.
يدخل مومن بخطوات واثقة ووجه بشوش، يحمل كيس فواكه اشتراه صدفة وهو عائد من العمل.
مومن (بصوت رخيم): يا هلا يمّه الغالية، شلونج؟ النور ضاوي! جيت أبوس إيدج وأطمئن عليج. والله الشغل والمسؤوليات ماخذة كل وقتي، بس أنتِ دائماً بالكلب والروح!
يتحول وجه الأم من التجهم إلى ابتسامة عريضة، وتفتح ذراعيها وكأنها تستقبل فاتحاً عاد من معركة تاريخية.
الأم: هلا يمّه، هلا بنور عيني، هلا بتاج راسي! تعال فدوة لطولك، الله يرضى عليك ويرزقك! مو مثل ذوله اللي مكفريني ليل ونهار، قاعدين على كلبي مثل أبو الجنيب! هلا يابعد روحي!
يجلس الهرفي ومعله في زاوية الغرفة، ويتبادلان نظرات الذهول والصدمة.
الهرفي (هامساً لمعله): هو يجي مرة بالشهر ويجيب فواكه بعشرة آلاف، يصير سبع وتاج الراس!
معله: وإحنا اللي مصلخين 24 ساعة بخدمتها، نطلع أشر من فرعون!
تلتفت الأم إليهما بغضب:
الأم: شوفوا أخوكم مومن شلون بار بيّه! تعلموا منه يا عديمي الشفقة والرحمة! مو مثلكم، وجوهكم تقطع الرزق! لو مخلفة جلاب أحسن منكم!
السيدة كسرة العظيمة.. حين يصبح البرّ عقوبة يومية!
ثلاثة مشاهد من الكوميديا السوداء البغدادية
المشهد الأول: معركة الكنديشن
التوقيت: منتصف الصيف البغدادي، درجة الحرارة 50 مئوية في الظل.
المكان: غرفة الاستقبال، حيث ترقد السيدة كسرة العظيمة.
الأم تلفّ نفسها بشال صوف ثقيل وبطانية شتوية، وتصيح:
الأم: يمّه، جمدت! طفّوا الكنديشن، الهوا البارد يكتل!
الهرفي (يتصبب عرقاً ويحاول التقاط أنفاسه): يمّه، فدوة لكلبج، إحنا بتموز، والتبليط ذاب من الحر، والسبلت على 25 درجة! والله إذا نطفيه ننصلخ كلنا!
الأم (بغضب): أنت تجذبني؟ عبالك كبرت وصرت خرفانة وما أحس بالبرد؟ الهوا يكص عظمي! طفّي الكنديش، تريد تذبني بجهنم وأنا عايشة؟ الله ما تخافه؟
يُطفئ الهرفي جهاز التبريد، ويجلس يمسح عرقه بالخاولي، بينما تنام الأم مطمئنة تحت البطانية.
الأم (بصوت حزين وهي تغمض عينيها): محد يحس بيّه… يا يمّه، يا خلفتي! كلكم أعداء، لا ولد ولا جَنّة!
المشهد الثاني: مؤامرة الدواء وحبّة القلب
التوقيت: الساعة الثالثة عصراً، موعد دواء القلب الإجباري.
المكان: ساحة المعركة فوق الجارباية.
يدخل معله بحذر، حاملاً حبّة الدواء، وكأنه يحمل وثيقة استسلام.
معله: يمّه الحبيبة، فدوة لكلبج، بس خذي الحبّة لخاطر الحسين، حتى كلبج يصير زين وترجع صحتج.
السيدة كسرة العظيمة (تغمض عينيها بقوة): ما أريد! هاي سموم! تريدون تكتلوني؟ منو كال كلبي بيه شي؟ كلبي ما بيه شي!
معله (بصوت يائس): يمّه، والله هاي حبّة وصفها دكتور القلب، صارلنا أسبوع نتوسل بيج حتى تبلعيها! مو منطيج قنبلة يدوية!
الأم (تنتفض صارخة): الحقوني يا ناس! معله يريد يكتلني! يبووووه! تعالي يا بيداء، شوفي ريلج شيسوي بيّه!
تدخل الكنة مسرعة من المطبخ، تحمل طفلاً بيد والقدر باليد الثانية.
الكنة: خالة، فدوة لكلبج، هاي مجرد حبّة! شنو سالفتج؟ قابل مسوية قسطرة؟
الأم (تلتفت إليها بوجه غاضب): أنتِ اسكتي يا مسمومة! أصلاً أنتِ السبب! أنتِ علمتي ريلج هالسوالف! تريدون تخلصون مني ويظل البيت لمطيرة!
ينسحب معله والكنة بخيبة أمل، بعد خسارة معركة حامية الوطيس.
وتبقى حبّة القلب فوق الطاولة، منتصبة كأنها انتصرت في معركة ماجينو، بينما الأم تبتسم بانتصار وتغمض عينيها.
المشهد الثالث: زيارة الابن مومن.. هلال العيد!
التوقيت: يوم الخميس، الساعة الثامنة مساءً، بعد غياب دام 29 يوماً.
يدخل مومن بخطوات واثقة ووجه بشوش، يحمل كيس فواكه اشتراه صدفة وهو عائد من العمل.
مومن (بصوت رخيم): يا هلا يمّه الغالية، شلونج؟ النور ضاوي! جيت أبوس إيدج وأطمئن عليج. والله الشغل والمسؤوليات ماخذة كل وقتي، بس أنتِ دائماً بالكلب والروح!
يتحول وجه الأم من التجهم إلى ابتسامة عريضة، وتفتح ذراعيها وكأنها تستقبل فاتحاً عاد من معركة تاريخية.
الأم: هلا يمّه، هلا بنور عيني، هلا بتاج راسي! تعال فدوة لطولك، الله يرضى عليك ويرزقك! مو مثل ذوله اللي مكفريني ليل ونهار، قاعدين على كلبي مثل أبو الجنيب! هلا يابعد روحي!
يجلس الهرفي ومعله في زاوية الغرفة، ويتبادلان نظرات الذهول والصدمة.
الهرفي (هامساً لمعله): هو يجي مرة بالشهر ويجيب فواكه بعشرة آلاف، يصير سبع وتاج الراس!
معله: وإحنا اللي مصلخين 24 ساعة بخدمتها، نطلع أشر من فرعون!
تلتفت الأم إليهما بغضب:
الأم: شوفوا أخوكم مومن شلون بار بيّه! تعلموا منه يا عديمي الشفقة والرحمة! مو مثلكم، وجوهكم تقطع الرزق! لو مخلفة جلاب أحسن منكم!
يصمت الهرفي قليلاً، ثم ينظر إلى معله ويقول بصوت خافت:
الهرفي: معله، شتگول؟ نغيب شهر ونرجع بكيس موز؟
معله: لا يمعود، أخاف إذا نغيب شهرين تورثنا الموزة!
تضحك الأم مع مومن، بينما ينظر الهرفي إلى البطانية الملقاة على الأريكة، ثم إلى جهاز الكنديشن المغلق.
الهرفي: حتى الكنديشن صار أرحم من عدنا! إظلام.
2026-11-10
