غزة تصرخ…!الهادي خليفة الصويعي

غزة تصرخ…!
الهادي خليفة الصويعي
غزة تصرخ
وينكم يا أمة المليار
يا حماة الدار..
ليش ما فزعتوا كبار وصغار..
وليش ركنتوا لذل وعار..
وينكم يا أصحاب السيادة والفخامة والسمو..
ليش لبستوا جبة عار..
و ليش ركنتوا لأهل النار..
ونسيتوا اليرموك وحطين وذي قار..
وينكم يا أصحاب المعالي..
ليش ما شفنا منكم والي..
يقول كلمة حق وبإصرار..
مات فيكم ضمير الإنسان..
و نسيتوا ربي من خوف الأمريكان..
و تخبيتوا في جحر كما الفأر..
شوفوا غزة وشوفوا أطفالها..
و شوفوا الهم اللي يعانيه هلها..
ما فيكم واحد نغار..
تدمير وقتل ومنع حياه..
وانتم تمشوا فوق البسط الحمراء..
لابد يوم تشوفوا نهار..
ليش الذل ومن إيش خائفين..
وليش بالكرسي متشبثين..
نسيتوا أن رواءكم جنة أو نار..
ملعونين اللي على الحق ساكتين..
واللي صامتين شياطين..
غزة محتاجة لقرار..
مثل قرار بن تاشفين
يقول لبيك إحنا قادمين
جيوش المعتصم لما ثار..
يا بسطاء بندعي قولوا آمين..
على الحكام و حراس الدين..
اللي فالحين في المساكين..
يأخذهم طوفان مع إعصار.
ليبيا
‎2023-‎10-‎11