يابختك ياعم شيطان
كلمات الشحات شتا
يابختك ياعم شيطان
تقتل وتذبح كمان
والكل يدافع عنك
طالما الضحية غلبان
يابختك ياعم شيطان
في كل مكان خدام
وتعيش في اي مكان
حتي لوروحت السجن
تلاقي هناك امان
وان قلت انا تعبان
ينقلوك ع المزلقان
تروح تقعد في المستشفي
والسجن بريش نعام
طالما تاجر عملة
الكل ليك خدام
العساكر تحت امرك
وارضك تروي كمان
يابختك ياعم شيطان
بيضربولك تعظيم سلام
الدنيا دي بتاعتك
تدوس في كل مكان
وتقول انا الشيطان
وماحدش يعيش في امان
اعمل اللي انا عايزه
وازني مع النسوان
وافتن بين الناس
واوقع فلان في علان
يابختك ياعم شيطان
تقول معايا فلوس
وعلي الكل ادوس
طالما عارف ديتهم
الكل يكون مدسوس
يابختك ياعم شيطان
حتقول ايه للديان
عملت كل البلاوي
زنا وقتل وسرطان
حيقولك روح لجهنم
وتعيش مع الشيطان
هناك النار تكويكم
والكل يقول خليكم
قتلتم ابن فلان
هناك ما فيش انا غلطان
وتدوق الكي بالنيران
عملت فيها ثعبان
وجه يوم الخسران
خد جزائك ياشيطان
صورة المغدور محمد شتا
2024-07-29
