وازيتها علشوف!

عبدالامير الركابي.

وازيتها علشوف 
كل يوم انزل على ماتدنيه الصغاير 
وكل يوم اترك صحيب 
كل يوم انصب جديد بوسط روحي والترايب 
وكل يوم أخطي واصيب 
مالها بهالعالم المجنون وكفة 
الركض ركضين ياللي تعبت تكفه 
وحزامها حزامين واللابس تحفه 
لاتصدك ماتشوف الفرق بين العين والشفه 
هذا مرض والمريض اليوم مايشفه 
كصروا ياسائلين 
زحمة الايام تتخالف وتتساوه السنين 
والاكيد الجان مثبت صفه درابين 
لاكول يكفيه لا ولا حتى ما تراه العين 
إصْدِكْ ولو تصدك يضيع الصدك بالحين 
احنا امتحنا واثاري العمر بردان برد الكوانين 
ماشافها من تطيح لكن لمها وحرز عليها زين 
ماتفيد الاه والوسفه 
كصرت مافادني عزمي عزم المخالف ثكيل 
ماذا اذا ذبني وكتي وماذا اذا بعدت حيل 
الناس تكره ماتبدى بعيد وتحب كول ذليل 
ليش المعاليك ماتت من زمان طويل 
ليش المعلك يخفضونه او يموت بليل 
ليش انا وياك ممنوع نتلاكه والمسامر قليل 
كول انت شلمطلوب وانا وياك علويل 
والنار بالنار تشفه 
كدرت ماكدرت جن الموازين ضاعت 
هذا وكت من تراب يهيل والعين ماجابت 
وازيتها علشوف تهمي وبرمشها تحامت  
لجن طين الوكت صدها ماعينت وشافت 
احنا بزمن ماتدركه بالبصر وجوارحه نامت 
امشي على التهجيس مامن وكد وتلمس الضاعت 
يمته اليموت يحيا وانه حجايتي ماتت 
ولو بكت بوشال الوكت تخفه 
‎2020-‎09-‎14