ورد كذاب..!

عبدالامير الركابي.

ورد كذاب 
ورد جوري 
ورد ينضح  
ورد كذاب مايذبح 
ورد مشيول منه الشوك 
ورد كطفوه وماسألوك 
ورد وسط الكلب فتح 
ورد من شوفته تفرح 
ورد ماطكته الدهله 
ورد غافي على دجله 
ورد محطوط بالسله 
ورد ياما كطفته ورد 
ورد ياما حضنته وصد 
ورد مزروع يم اهله 
ورد محطوط يم فله 
ورد فوح على الريحان
ورد مشتول بالبيبان  
ورد نعسان مو زعلان 
ورد والورد ماله حد 
وردمزروع فوك الخد  
ورد وسط الورد شافوه 
ورد ربعي وعلي سالوه 
ورد مارد على الحاجوه 
ورد وبدمه يتحنه 
ورد ماله بعد ظنه 
ورد حسبات وحجايات 
ورد مرضاته بالبوسات 
ورد مايعرف الغايات 
ورد وملون بلونين 
ورد نور على الشطين 
ورد ملفو ف بجفوفه 
ورد ياهو اليجي يشوفه 
ورد خسران كاطوفه 
ورد مايبجي لو تاذيه 
ورد بس لا تجور عليه 
ورد والورد يتلون 
ورد ويغني من يحزن  
ورد لو بسته تتوهدن 
وردياذيك مايشفيك 
ورد بلوه تطيح عليك  
ورد مالك حجايه وياه  
ورد بس تفرح بملكاه  
ورد عبده وتبع وياه 
ورد من ريحته تنفس 
ورد تضحك اذايعبس 
ورد مو مثل كل الناس 
ورد ريان ماينجاس 
ورد يزعل علي لاباس 
ورد يشتم ورد ويصيح 
ورد لو مر عليه الريح 
ورد احمر  
ورد اصفر 
ورد ابيض 
ورد يم الورد خضر 

2020-05-26