ختام!

عبدالامير الركابي.
” الى عراق الازل”
اختم ختام
اجه وكت الذي تختم
والذي مايختم حرام
اختم على صفحة الورد
اسم وكلام من الكلب
واسهر لاتنام
اختم على الاحلام
حلمك مشاهه بلا نهاية
وانت ماتدري
الحلم اوهام
اختم ورا الايام
الايام مرن
يوم يغلب يوم
سالوفة وكلام
اختم وره اليحجون
ذيج نسمة بلايه روح
تمر على اللي طاح
واللي كام
ولك اختم
بس بعد ييزي
تعبت حتى الوكت
يمته تهيد ويمته ينحلك حزام
اختم تره حتى الختام تحير بامرك
التوالي تزيح
وانت ماشي طول الوكت
ليكدام
اختم ضجت الايام منك
الكون صاح يريد يعرف وين قصدك
اختم
تره الختمة كربت
وانت بعدك مابديت
والدهر نام
وماتنام
٢٣ فبراير ٢٠١٧