ميلاد عمر المزوغي.

   في

Bildresultat för برنار ليفي مع ثوار ليبيا

   شاهد   وشهيد

شد العصا من النصف ما لا  قيمة

جاهـــــــر برأيك لا تخاف ظليمة

**********

بـــــرنــار هنـــــري ليـــــــــــــــفي

رايس المجـــلس قــــــال هذا حليفي

هو مقصدي في رحلة اشتاي وصيفي

الـــــرب يحفظه يخليه لنّا ديـــــــــمه

**********

فــــي ليبيا مـــا عــــــــاد فيه حكومة

مسكين شعبها باعوه بأرخص سومه

وكــــم مـــــــــن منازل نازلتها بومه

قعدت خــــــرابه اتقول “هيروشيمه”

**********

شــــيـنـــــــــــــــك عـــيشـــــــــة

كــــل واحــد يحــكـم بجيــــــــشه

ما يــــدري اتجيه خــــــــريطيشه

قـالـــــــــوا هـــذاي جــــــريثيمة

**********

البـــــــــــــــــــــــــــلاد “ادربت”

من يوم مسكوها (الجماعة) خربت

كـم مـن اموال من الخزانة هربت

شـرقه وغـــربه دايــرين وليمـــة

**********

اكـــثـــر النـــهــــب والســـــــرقه

عيني عينك ما عــــاد شي بالدرقه

لا تـــواخذونا فــــــي قلوبنا حرقه

قـريّب انساسوا لوحولنا ” لـقيمه “

**********

رايـــــــــــــــــــك قـــــــــــــــوله

فيه نـــاس واجـده راهم بيسمعوله

با لكش ايجـــي يوم واتصير دوله

والـــريح مـــا تقعد بـــلا تبــريمه

    طرابلس– ليبيا

في 15 يناير 2013